Lectio Prīma

Charta Geōgraphica

Hīc est charta geōgraphica. Est charta parva, sed terrae sunt magnae. Charta est bona. Eurōpa et Āfrica et Asia sunt continentēs. Sunt terrae pulchrae in Eurōpā, in Āfricā, in Asiā.

Spectate terras in Eurōpā. Britannia, Gallia, Germānia, Hispānia, Ītalia, Graecia sunt in Eurōpā. Spectāte īnsulās: Siciliam, Sardiniam, Corsicam, Crētam, Cyprum. Ubi sunt īnsulae? Sunt in marī Mediterraneō. Suntne īnsulae magnae? Ita, īnsulae sunt magnae. Peloponnēsus est paene īnsula. Hispānia, Graecia, Ītalia sunt paenīnsulae magnae. Roma est in Ītaliā.

Spectāte Āfricam. Spectāte terrās in Āfricā: Mauretāniam, Numidiam, Libyam, Aethiopiam, Aegyptum. Carthāgō est in Āfricā. In Āfricā Dīdō, rēgīna Phoenissa, habitat et rēgnat.

Spectāte Asiam. Spectāte terrās in Asiā. Terrae in Asiā sunt Asia Minor, Armenia, Mesopotamia, Arabia, Syria, Phoenicia. Spectate insulam parvam in Phoenīcia. Est īnsula pulchra-Tyrus. Eurōpa, puella in fābulā prīmā, in Phoenīciā habitat. Estne īnsula magna? Īnsula non est magna; est parva.